A diä schwiizertüütsch sprochigä Bsuächär vo därä Website: Härzlich willkommä!
Reisä z’chöna isch ä Privileeg! Es isch zwiifelsfrei eini vo dä beschtä Inveschtitionä, wo mä im Läbä cha mache. Äs veränderät üsi Sicht uf d’Wält: Äs ermöglicht üs, anderi Kulturä besser z’verschtoh, aber au, üsi eigenä Wurzlä meeh z’schätzä.
Scho sit minärä Chindheit – und eigentli bis hüt – han ich d’Möglichkeit gha, z’reisä, und diä han ich gnutzt. Nid numä zu „sichärä“ Reiseziil z’Europa oder z’Amerika, sondärn au i Länder z’Asiä und insbesondere z’Afrika. Obwohl vill vo denä Reiseziil scho dozmol rächt abentüürlich gsi sind, isch äs hüt schwierig oder sogar unmöglich gwordä, dur diä Länder z’reisä.
Im Lauf vo dä Johr und Johrzähnt isch ä umfangriichs Fotoarchiv – gnauär gseit än Archiv mit Farbdias – sowiä a ganzi Reihä vo „Reisegschichtä“ entschtandä. Statt si imänä Schrank z’verschtauä, möcht ich si vill liäber mit Menschä teilä, wo dra interessiert si chönted. Und gnau drum han ich diä Websitä gmacht.
Uf dä Websitä findsch du än Uuswahl a Bildär und churzä Gschichtä drüber, wiä si entschtandä sind. Ich ha vor, diä Websitä i dä nöchschtä Johr regelmässig z’aktualisiärä und neui Inhalt zuäzfüegä. Ich hoffä, sie gfallt dir!
Du chasch din Bsuäch do aafange, diräkt zu dä Fotoseriä springä oder mich übär da Kontaktformular kontaktiärä.